نكت جزائرية تموت من الضحك تقرؤها للمرة الأولى لاجلكم متابعينا الاعزاء

نكت جزائرية تموت من الضحك تقرؤها للمرة الأولى لاجلكم متابعينا الاعزاء 

اجمل النكت الجزائرية المضحكة جدا جدا,نكت جزائرية تموت من الضحك تقرؤها للمرة الأولى لاجلكم متابعينا الاعزاء عبر منتدى عدلات:
قالك واحد النهار، واحد السّيد هادا يُشرب بزَاف الشَراب كل ما يدخل للدار يمشي عند لمرايا يبقى يشوف فيها ويقول : ااااااه كبرت وناضلي الشيب ، جا عندو باباه قالو : يا ولدْ قتلك ذاك العام ما توقفش عند التصويرة تاع جدك وتبقى تهدر معاه .
قالك واحد النهار واحد البَزْ سقسا باباه قالو : بابا علاه ماعندكش الشعر في راسك؟ قالو: لا خاطر يا ولدي أنا نخدم بُمخي بزاف (براسي) قالوا: اااااه على بيها ماما ما عندهاش المُسطاش لا خاطر تخدم بفمها بزاف
قالك واحد النهار واحد البنت فسخت الخطوبة مع خطيبها جات امها قالتلها: علاش واش صرا ؟
قالتلها: لاخاطر هاد الراجل كافر و ماي أمَنش بجهنم قالتلها: يا بنتي علاش تقلقْتي كُنتِ تخلّيه حتى يتزوج معاك درك يأمَن بجهنم
قالك واحد النهار واد الجابوني هو ماصو و المالوفري تاعه جزايري، قالك الجابوني بدا يخدم والمالوفري
الجزايري يجيبلو فالصوالح.. ، قالك الماسو الجابوني طاح من السلوم قالك وعاود ولّى يخدم، ايا المالوفري تاعنا راح عند الطبيب وقالو : جيت عندك باش تعطيني مالادي تاع الخُلعة
واحد حراق لاسبانيا بعد عام كلم باباه في الدشرة قالوا بابا راني تزوجت وجاني الايدز عفانا الله منه قالوا باباه وعلاه ما سميتوش على جدك العلواني .
واحد مجنون عيط في البرتابل ديالو لنميرو في الزهر مالا جاوبت وحدة قالها هذا النميرو نتاع محمد قاتلوا لالا قالها مالا وعلاه تريبوندي.
زوج مهابل هربوا من مستشفى المجانين ركبوا سيارة الاول قال الثاني دور على اليمن قالوا الثاني دور انت راني نسوق .
قالك أيا واحد كل يوم يريح في القهوة ,و كل يوم تجوز عليه وحدة يشوف معاها وتشوف معاه , بقاو على هذي الحال عام , وحد النهار شافها مع واحد راح ليها قالها اللي بيناتنا أنسايه .
أيا قالك واحد راح مصنع انتاع مركبات كيميائية , لقى صهريج فيه حمض الكلور HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو يحوس عليهم .
بلد سكانها رقاق ” ضعاف ” المجاعة بزاف ثم ,دارت حرب مع الماريكان بصح في كل المعارك كانت هذي الدولة تاع المجاعة تربح , جورج بوش صقصا جنودو العلوج وعلاش ديما تخسروا مع الشعب الجيعان والضعيف ديما ؟ جاوبو واحد من الضباط : كي نطلقو عليهم النار يتخباو ورا الكابوس .
قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟ هز هذا السيد يدو قالها أنا عطاتو الدوا , ممبعد شوي زادت جات قاتلهم من داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها أنا زادت عطاتلو الدوا , المهم وحد العشر مرات حتى مات السيد من الدوا بزاف , نهار شافو بطاقة التعريف لقاو وسمو منداخ رابح .
اثنين ساكنين في خيمة و راقدين على ظهورهم في الليل شاف الأول في السماء و قال للثاني وش تشوف ؟ قال اشوف نجوم كثيرة ، قال هذا وش يدل علية ؟ قال الثاني : ان فيه مجرات وكواكب غيرنا في هالكون . قال الأول هذا يدل ان سقف خيمتنا انسرق ياغبي .