قصص بالدارجة ...قصة حياتي... الجزء الثالث 
ورسمت أحلام على أساس غانكمل معاه ، و هذا هو الغلط لي ارتكبت ، هو أنني "حلمت" دوزنا ايام زوييينة و كنت أسعد بنت و كنت ديما كنتخايل راسي بالنسبة ليه أنا هي اختو الي غايعاودلها كولشي و أنا هي مو لي غاتكون حنينة عليه و انا هو الأب ديالو لي عمرو مغايتخلا عليه و أنا هي كولشي و لكن كلشي غايتضرب فالزيرو . المهم قريت و خديت الباك بميزة حسن جدا الحمد لله ، ولكن كون غي ما خديتش الباك حيت هو ليعطاني الفرصة و خلاني نمشي نكمل قرايتي فالمدينة فاش كيقرا أمين. فرحت بزااااف أنني غانولي نتلاقاه ولكن انا كنت غانقرا فمكناس و هو واخا كيقرا فمكناس بحالي الا انه ساكن ف فاس يعني فالجمعة و فالسبت والاحد كان كيمشي لدارهم و كنت كنتوحشوو بزااااااااف فدوك الايام، المهم هاداك العام كنا كنتلاقاو انا و هو بزااااف و كنعنقو و انا عارفا بلي كنعصي الله و كنضيع ثقة والديا، بكل غباء حيت كنت كنعتقد بلي هو لي غايكون حلالي كيما مواعدني . حتا لواحد النهار تلاقينا و كنت لابسة واحد السروال اكحل و كانت شي حاجة موسخة فيه ملي جلسنا بزوج حاول يمسح الطبعة لي عندي فحوايجي و قالي "جيداء ماحدك معايا ما بغيت تا حاجة تكون فيك ماشي هي هاديك و بغيتك تكوني احسن أنسانة ولكن انا ماشي هو هاداك الشخص لي غايعيشك فهاد الظروف هادشي علاش الا جاتك الفرصة تكوني مع واحد احسن مني كوني معاه" مافهمتش اللغز ديالو و تصدمت رجع قالي لا نتي والا وليداتنا لي حلمنا يكونو عندنا مغايقدروش يعيشو معايا مزيان.
تابععععع